15.09.2026 | 11:24
«Դիլիջան» ազգային պարկի 1.75 հա հողատարածք վերադարձվել է պետությանը
ԱՄՆ ողջունում է Թուրքիայի դերակատարությունը Ադրբեջանի և Հայաստանի միջև կարգավորման գործում
Քաղաքականություն
15.12.2023 | 10:56
Վաշինգտոնը ողջունում է Թուրքիայի դերակատարությունը Ադրբեջանի և Հայաստանի միջև կարգավորման գործում: Այս մասին հայտարարել է ԱՄՆ Պետքարտուղարության խոսնակ Մեթյու Միլլերը։
«Այսպիսով, ես կասեմ, որ մեր բոլոր զրույցներում, քարտուղարի բոլոր զրույցներում (քարտուղար Բլինքենի և արտգործնախարար Ֆիդանի միջև դա խոսակցության թեմա է եղել որպես քննարկման մի մաս) մենք ողջունում ենք Թուրքիայի արդյունավետ դերը: Մենք համաձայն ենք Ֆիդանի այն խոսքերի հետ, որ խաղաղությունը հնարավոր է: Մենք աջակցում ենք երկու կողմերի ուղիղ բանակցություններին՝ խաղաղության հասնելու համար»,- ասել է Միլլերը:
Ճեպազրույցի ժամանակ նաև հարց է հնչել Ադրբեջանում լրագրողների ձերաբակալությունների մասին։
«Լրագրողներին կալանավորելու վերջին միտումը խորապես մտահոգիչ է, և մենք շարունակում ենք կոչ անել Ադրբեջանի կառավարությանը հարգել մարդու բոլոր իրավունքները և հիմնարար ազատությունները»,-ասել է Միլլերը՝ նշելով, որ ԱՄՆ բարձրացրել է այս հարցը Ադրբեջանի հետ շփումներում:
