15.09.2026 | 11:24
«Դիլիջան» ազգային պարկի 1.75 հա հողատարածք վերադարձվել է պետությանը
«4000 դրամ ենք ծախսում, հասնենք քաղաք, լողանանք». տրանսպորտի, ջրի ու ճանապարհի խնդիր՝ Նոր Կյուրինում․ ՏԵՍԱՆՅՈՒԹ
Հասարակություն
14.12.2023 | 18:32
Նոր Կյուրին գյուղն է՝ Երևանից ընդամենը 6-7 կիլոմետր հեռավորության վրա: Այստեղ հասնելու համար կա՛մ պետք է մեքենա ունենալ, կա՛մ օգտվել տաքսի ծառայությունից, կա՛մ էլ դիմել սեփական ոտքերի օգնությանը։
Մասիս համայնքում ներառված այս գյուղում հասարակական տրանսպորտ չի գործում, անգամ խանութ չկա, իսկ մոտակա խանութ հասնելու ճանապարհին ասֆալտ չկա։ Քայլելիս ցեխից ու փոշուց անհնար է խուսափել, իսկ ուշ ժամերին ամեն քայլի հետ ավելացող թափառող շներն է՛լ ավելի են բարդացնում տունդարձի ճանապարհը։
«4 թոռնիկ ունեմ, Խարբերդում տուն են վարձել, էնտեղ են ապրում, որովհետև չեն կարող ո՛չ աշխատանքի գնալ, ո՛չ դասի գնալ, ո՛չ սովորել։ Պետք է մեկը չաշխատի, մեքենա ունենա, որ իրենց տանի, բերի, հնարավոր չի էդպես ապրել»,- նշում է գյուղի բնակիչներից մեկը։
«Խանութ գնալու համար 1,5 կիլոմետր ոտքով գնում ենք: Դե՝ գնալը դեռ ոչինչ, հեշտ է, հետ գալը՝ ապրանք ենք առել, ծանր-ծանր հասնում ենք տուն, մենք էլ տարիքով մարդիկ ենք, ինչքա՞ն կարելի է տենց գնալ, գալ»,- հավելում է հարևանուհին։
Ասում են՝ ով գալիս է հյուր, մնում է գյուղում, չի կարողանում վերադառնալ։ Գյուղում հիմնականում տարեցներն են մնացել, երիտասարդները հեռացել են, մի մասը վարձով է ապրում Երևանում։ Թեև գյուղը Երևանին մոտ է, այնուամենայնիվ, ճանապարհի ու տրանսպորտի բացակայության պատճառով չեն կարողանում աշխատանքի գնալ։
Մեքենա ունեցող գյուղացիները փորձում են օգնել հարևաններին գյուղից գնալու ու տուն վերադառնալու հարցում։
Ավթանդիլ Հակոբյանն այս անգամ ևս ճանապարհին համագյուղացիներից մեկին է հանդիպել ու առաջարկել մեքենայով գյուղ հասցնել։
Մանրամասները՝ տեսանյութում։
Անժելա Պողոսյան
