18.09.2026 | 15:38
Ռուբեն Վարդանյանը դիմել է Ադրբեջանի ՄԻՊ-ին՝ բարձրաձայնելով Ումբակիում պահվող հայերի իրավունքների խախտումների մասին
Լավրովի հայտարարության պատասխանը օգոստոսի 17-ի հանրահավաքում կտրվի ազգային միասնականությամբ․ Արման Նավասարդյան
Քաղաքականություն
01.08.2018 | 16:07
Ռոբերտ Քոչարյանի կալանավորումը շարունակում է տարբեր գնահատականների արժանանալ: Վերջին օրերի հարցազրույցներում հայաստանյան փորձագետների զգալի մասն ասում էր, թե Ռուսաստանը չեզոքություն կպահպանի և չի միջամտի: ԱԺ արտաքին հարցերի հանձնաժողովի նախագահ Արմեն Աշոտյանը, մեկնաբանելով ՌԴ արտգործնախարար Սերգեյ Լավրովի հայտարարությունը, գրել էր, որ ինքը երկար ժամանակ է, ինչ ահազանգում է հայ-ռուսական հարաբերություններում հասունացող խնդիրների մասին, բայց լսող չկա:
Factor.am-ի հարցին` Լավրովի մեկնաբանությունը կարո՞ղ ենք համարել միջամտություն մեր ներքին գործերին, ՀՀ արտակարգ և լիազոր դեսպան Արման Նավասրդյանը պատասխանեց. «Ինչ-որ առումով` այո»:
Մեր զրուցակիցը չի ողջունում այդ հայտարարութունը: «Ես կարծում եմ, որ հայտարությունն ադեկվատ չէր այդ խնդրին: Որպես դիվանագետ` գտնում եմ նաև, որ այստեղ ՀՀ-ում Ռուսաստանի դեսպանատան բացթողումը կար: Ըստ իս` ճիշտ չեն մեկնաբանել այն իրավիճակը, որն այստեղ կա»,- նշեց պարոն Նավասարդյանը:
Ինչ վերաբերում է Հանրապետականի հայտարարություններին և ստորագրահավաքին, Նավասարդյանը վստահ է, որ կուսակցությունը մասնատված է կամ գոյություն չունի: Ըստ նրա` առանձին կուսակցականներ կարող են ռուսական կողմին տեղեկատվություն ուղարկել, թե մեր երկրում տեղի ունեցող իրադարձությունները չեն համապատասխանում հայ-ռուսական շահերին: Այդ դեպքում, դիվանագետի խոսքով, ՀՀԿ-ականները սխավում են:
Արտակարգ և լիազոր դեսպանը խորհուրդ է տալիս ՌԴ դեսպանատանը զգույշ և ճշգրիտ լինել: «Չեմ կասկածում, որ սա ամենաբարձր մակարդակով կշռադատված հայտարարություն է, բայց այն կարժանանա հասարակության ասիմետրիկ արձագանքին: Իմ համոզմամբ` սա չի բխում երկկողմ շահերից: Չեմ բացառում, որ կարող են փոխվել ռուսական մոտեցումները»,- ընդգծեց նա: Լուրջ և անլուրջ պատասխաններին անդրադառնալով` պարոն Նավասարդյանը հիշեցնում է` արտգործնախարարը չի ներկայացնում հասարակական կազմակերպություն, նա պետության ներկայացուցիչ է:
«Փաշինյանի`օգոստոսի 17-ին հանրահավաք հրավիրելու մասին հայտարարությունը, իմ կարծիքով, պատասխան էր: Օգոստոսի 17-ին հասարակությունը ցույց կտա իր միասնականությունը տարբեր հարցերում»,- եզրափակեց Արման Նավասարդյանը:
Լևոն Փանոսյան
