05.07.2026 | 12:54
Առանձնատանը կից շոգեբաղնիքում հրդեհ է բռնկվել․ դեպքի վայր է մեկնել 3 մարտական հաշվարկ
ԵՄ-ն աշխատում է Բրյուսելում Հայաստանի ու Ադրբեջանի միջև նոր հանդիպում կազմակերպելու ուղղությամբ
Քաղաքականություն
14.12.2023 | 11:19
Եվրամիությունն աշխատում է Ադրբեջանի և Հայաստանի հետ Բրյուսելում ևս մեկ հանդիպում անցկացնելու համար։ Այս մասին ադրբեջանական «Թրենդ» գործակալությանը հայտնել է Եվրոպական խորհրդի աղբյուրը։
«Բրյուսելյան գործընթացն ինտենսիվ է, և ԵՄ-ն աշխատում է գործընկերների հետ հաջորդ հանդիպման անցկացման համար»,-ասել է ԵԽ աղբյուրը։
Եվրոպական խորհրդի նախագահ Շառլ Միշելը ևս հայտարարել էր բանակցությունները Բրյուսելյան հարթակում վերսկսելու և նոր հանդիպման կազմակերպման շուրջ տարվող աշխատանքների մասին։
Հիշեցնենք, որ արևմտյան միջնորդությամբ նախորդ հանդիպումները Բաքուն ձախողել էր՝ հրաժարվելով Գրանադայում, Բրյուսելում և Վաշինգտոնում ծրագրվող բանակցություններից։
