09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
FactorTV-ի լրագրողը գլխավոր մրցանակ ստացավ «Լրագրողները` հանուն իրավունքների» մրցանակաբաշխությունում
11.12.2023 | 19:49
Factor TV-ի լրագրող Արաքս Մամուլյանը «Լավագույն տեսալսողական նյութ» անվանակարգում գլխավոր մրցանակը ստացավ «Հոդված 3. Լրագրողները` հանուն իրավունքների» լրագրողական մրցանակաբաշխությունում: Մրցույթին ներկայացված էր դատավորների նկատմամբ կարգապահական վարույթների հարուցման և Բարձրագույն դատական խորհրդում դրանց քննությանն առնչվող խնդիրների մասին պատմող «Դատավորների դատավորը» նյութը:
Նույն անվանակարգում երկրորդ տեղի մրցանակը ստացավ Civilnet-ի լրագրող Ժաննա Ավագյանը, իսկ երրորդը՝ Gala TV-ի լրագրող Կարինե Կազարովան:
Մրցանակաբաշխության լավագույն տեսալսողական նյութ/տեսանյութ, ռադիոհաղորդում/փոդքասթ անվանակարգում գլխավոր մրցանակը ստացավ «Ազատություն» ռադիոկայանի լրագրող Նարինե Ղալեչյանը, երկրորդ մրցանակը՝ անկախ լրագրող Կուշանե Չոբանյանը, երրորդը՝ «Հետք»-ի լրագրող Սամսոն Մարտիրոսյանը:
Լավագույն տպագիր կամ առցանց հոդված անվանակարգում գլխավոր մրցանակի արժանացավ «Հետք մեդիա գործարանի» ուսանողներ Արփինե Հովհաննիսյանի և Արծվիկ Դավթյանի նյութը, երկրորդ տեղում Տաթև Հովհաննիսյանի, իսկ երրորդում՝ Գայանե Մարկոսյանի նյութերն էին:
Հանձնվեցին նաև հատուկ մրցանակներ:
Մրցութային նյութերը պետք է ներկայացնեին ստորև նշված հիմնահարցերից որևէ մեկը.
Հաշմանդամություն ունեցող անձանց իրավունքներ,
Կանանց իրավունքներ,
Երեխաների իրավունքներ,
Ներառական կրթության ապահովում, խտրականության դրսևորումներ
ՄԻԱՎ-ով ապրող անձանց իրավունքներ,
Խտրականություն և անհանդուրժողականություն, հոմոֆոբիա
Փակ և կիսափակ հաստատություններում մարդու իրավունքների պաշտպանության հարցեր,
Ազգային փոքրամասնությունների իրավունքներ,
Արդար դատաքննության իրավունք և խախտումներ։
