15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
ԵՄ-ն դիտարկում է Հայաստանի բանակին «ոչ մահաբեր ձևաչափով» աջակցությունը
Քաղաքականություն
11.12.2023 | 11:44
ԵՄ արտաքին քաղաքականության ծառայության պաշտոնական ներկայացուցիչ Պետեր Ստանոն ռուսական «Իզվեստիա»-ին հայտնել է, որ Եվրամիությունը մտադիր չէ Հայաստանի հետ զորավարժություններ անցկացնել։
«ԵՄ-ն չի դիտարկում Հայաստանի հետ համատեղ զորավարժություններ անցկացնելու հնարավորությունը։ ԵՄ-ն ռազմական դաշինք չէ, այն արժեքների քաղաքական և տնտեսական համայնք է»,- ասել է Ստանոն՝ նշելով, որ ԵՄ պլաններ չունի նաև մարզել հայ զինծառայողներին անդամ երկրների տարածքներում։
Նա հայտարարել է, որ Եվրամիությունը ուսումնասիրում է Խաղաղության եվրոպական հիմնադրամի միջոցով հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, սակայն կոնկրետ որոշումներ դեռ չկան։
Հավելենք, որ այսօր Բրյուսելում մեկնարկում է ԵՄ ԱԳ նախարարների խորհրդի նիստը, որին մասնակցում է ՀՀ ԱԳ նախարար Արարատ Միրզոյանը։ Հավանաբար, նիստին քննարկվելու է նաև Խաղաղության եվրոպական հիմնադրամի միջոցով Հայաստանին աջակցության հարցը։
