15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Վահագն Խաչատուրյանը հանդիպել է արգենտինահայ համայնքի ներկայացուցիչներին
Քաղաքականություն
10.12.2023 | 13:22
Արգենտինայի Հանրապետություն աշխատանքային այցի շրջանակներում նախագահ Վահագն Խաչատուրյանը հանդիպել է Արգենտինայի հայկական կազմակերպությունների ներկայացուցիչների հետ։ Այս մասին հայտնում են Նախագահի աշխատակազմից։
Հանրապետության նախագահը հանդիպման մասնակիցներին է ներկայացրել Հայաստանի շուրջ ընթացող ներպետական գործընթացների և զարգացումների, երկրում իրականացվող բարեփոխումների վերաբերյալ մանրամասներ։
Իր խոսքում նախագահ Խաչատուրյանը հանգամանորեն անդրադարձել է Լեռնային Ղարաբաղից տեղահանվածների հումանիտար և սոցիալ-տնտեսական խնդիրների լուծման ուղղությամբ Հայաստանի իշխանությունների կողմից արվող քայլերին ու մշակվող ծրագրերին։
Հանդիպման ավարտին Հանրապետության նախագահը անմիջական մթնոլորտում պատասխանել է ներկաներին հուզող հարցերին։
Հիշեցնենք, որ Վահագն Խաչատուրյանն Արգենտինա է մեկնել մասնակցելու նորընտիր նախագահ Խավիեր Միլեյի երդմանակալության արարողությանը, որից առաջ հանդիպել է վերջինիս հետ և հրավիրել Հայաստան։
