13.01.2026 | 11:07
Ռուսական զորքերը հարվածել են Օդեսային և Խարկովին. կան զոհեր ու վիրավորներ
ԱՄՆ-ն ողջունում է հայ ու ադրբեջանցի զինծառայողների ազատ արձակման որոշումը
Քաղաքականություն
08.12.2023 | 11:10
Միացյալ Նահանգները ողջունում է Հայաստանի և Ադրբեջանի հայտարարությունը 2 ադրբեջանցի և 32 հայ կալանավորների ազատ արձակման մասին։ Այս մասին ասվում է ԱՄՆ Պետքարտուղարության տարածած հայտարարության մեջ։
«Այս հանձնառությունը վստահության ամրապնդման կարևոր միջոց է, քանի որ կողմերը աշխատում են խաղաղության համաձայնագրի ավարտի և հարաբերությունների կարգավորման ուղղությամբ: Մենք ողջունում ենք Ադրբեջանի նախագահ Ալիևին և Հայաստանի վարչապետ Փաշինյանին Հարավային Կովկասի ժողովուրդների համար ավելի խաղաղ և բարգավաճ ապագայի հիմքեր ստեղծելու համատեղ ջանքերի համար»,-ասվում է հաղորդագրության մեջ։
Նաև նշվում է, որ Վաշինգտոնը կշարունակի վճռական աջակցել «տևական և արժանապատիվ խաղաղության հասնելու ջանքերին»։
Հիշեցնենք, որ Հայաստանի Հանրապետության վարչապետի աշխատակազմը և Ադրբեջանի Հանրապետության նախագահի վարչակազմը նախօրեին համատեղ հայտարարություն էին տարածել, որի համաձայն՝ Բաքուն ազատ է արձակում 32 հայ ռազմագերիների, իսկ ՀՀ-ն՝ 2 ադրբեջանցի զինծառայողի:
