06.10.2026 | 14:52
ՀԾԿՀ-ում քննարկվել է «Firebird AI» տվյալների կենտրոնի էլեկտրամատակարարումը
Ո՞վ պիտի պատասխան տա․ շների զանգվածային սպանդը խնդրի լուծում չէ․ Նարե Արամյան. ՏԵՍԱՆՅՈՒԹ
Հասարակություն
07.12.2023 | 19:10
Թափառող շները երեկ դարձել են սուրենավանցի 7-ամյա տղայի մահվան պատճառ: Դեպքից հետո սոցցանցերում բուռն քննարկումներ են, թե ինչպես պետք է լուծել թափառող կենդանիների հարցը, որոնց հարձակման դեպքերի վերաբերյալ տարբեր համայնքներից պարբերաբար ահազանգեր են լինում։
Կենդանապաշտպան, Երևանի ավագանու «Ազգային առաջընթաց» խմբակցության անդամ Նարե Արամյանը Factor TV-ի հետ զրույցում նշում է՝ պիտի հասկանալ, թե Սուրենավանում կատարված ողբերգության համար ով է պատասխանատվություն կրելու։ Ստեղծված իրավիճակի պատասխանատուն, կենդանապաշտպանի կարծիքով, պատկան մարմիններն են։
«Թափառող կենդանիների հարցն օր օրի ավելի է սրվում, պատասխանատվությունը պատկան մարմիններն են՝ ՏԻՄ և ՏԿՄ։ Հասկանալի է, որ այս ոլորտում ծրագրեր չեն իրականացվում։ Կենդանիների զանգվածային ստերջացման ծրագրեր չեն իրականացվում, տանը պահվող կենդանիները գրանցված և նույնականացված չեն, չկա կենդանաբուժական վերահսկողություն, և հասկանալի է, որ իրավիճակն օրերից մի օր պիտի դուրս գար վերահսկողությունից»,- ասում է Արամյանը։
Հարցազրույցն ամբողջությամբ՝ տեսանյութում։
Արփի Հակոբյան
