14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Բաքվի դատարանը գերեվարված Գագիկ Ոսկանյանին 18 տարվա ազատազրկման դատապարտեց
Քաղաքականություն
07.12.2023 | 16:38
Ադրբեջանի կողմից գերեվարված պահեստազորային Գագիկ Ոստկանյանի դեմ հարուցված շինծու գործով դատական գործընթացն ավարտվել է։ Ընդհամենը երկու դատական նիստերից հետո Բաքվի Սաբունչիի շրջանային դատարանում Գյանջայի ծանր հանցագործությունների դատարանի դատավոր Աբդուլա Մամեդովը հրապարակել է դատավճիռը։ Ոսկանյանը շինծու մեղադրանքներով դատապարտվել է 18 տարվա ազատազրկման։
Պատժի առաջին 5 տարիները նա պետք է կրի փակ տիպի ուղղիչ գաղութում, իսկ մնացած ժամկետը՝ խիստ անվտանգային ռեժիմի հաստատությունում։
Նշենք, որ պետական մեղադրողը պահանջել էր Գագիկ Ոսկանյանին դատապարտել 18 տարվա ազատազրկման։ Ոսկանյանն իրեն մեղավոր չի ճանաչում առաջադրված մեղադրանքներում։
Հիշեցնենք, որ օգոստոսի 16-ին պահեստազորում հաշվառված, ուսումնամարզական հավաքի մասնակից Գագիկ Ոսկանյանը լքել է մարտական դիրքը։ Ավելի ուշ պարզ է դարձել, որ ադրբեջանական կողմը գերեվարել է Ոսկանյանին։ Օգոստոսի 18-ին, ադրբեջանական դատարանի որոշմամբ, Ոսկանյանը կալանավորվել է՝ «Հայաստանի զինված ուժերի հետախուզադիվերսիոն խմբի կողմից Ադրբեջանի պետական սահմանը խախտելու» մեղադրանքով։
Էմմա Չոբանյան
