25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
«Նիկոլ Փաշինյանը Լևոն Տեր-Պետրոսյանի աշակերտն էր, պայքարում էր մեր դեմ, հարցրեք՝ 1996 թվականին որտե՞ղ էիր»․ Պարույր Հայրիկյան․ ՏԵՍԱՆՅՈՒԹ
Քաղաքականություն
31.07.2018 | 14:38
ԱԻՄ առաջնորդ Պարույր Հայրիկյանին դուր չի գալիս, երբ որևէ մեկը կալանավորվում է նախնական կալանքի տեսքով, այս հարցում ինքը հարգում է անմեղության կանխավարկածը, իսկ, առհասարակ, և՛ 2-րդ նախագահ Ռոբերտ Քոչարյանի, և՛ ամենածանր հանցագործի կալանավորումն առանց դատարանի որոշման, համարում է ոչ տեղին։
Այս մասին այսօր լրագրողների հետ զրույցում ասաց ԱԻՄ առաջնորդը՝ նշելով, որ տարիներ առաջ է անգամ իր համար հասկանալի եղել, որ Ռոբերտ Քոչարյանը սխալ քաղաքական ճանապարհի վրա է և պետական դրական կերպար չէ։ «Երբ երկրիդ նախագահի մասին ստիպված են լինում արձանագրել բացասականը, դա նաև վիրավորանք է քեզ համար, որպես տվյալ երկրի քաղաքացի։ Միանգամից պետք է ասեմ, որ նաև Սերժ Սարգսյանի մասին, հազար ու մի բան կասեն, կներկայացնեն նաև մեղադրանքներ»,- ասաց նա։
ԱԻՄ առաջնորդը Ռոբերտ Քոչարյանի կալանավորման վերաբերյալ թեև չի ցանկանում կանխատեսումներ անել, բայց պնդում է, որ իրավապահ մարմինների համար «Մարտի 1-ը» խարան է, հետևաբար, պետք է հետամուտ լինեն, որ ոճրագործություն իրականացնողները պատասխանատվության ենթարկվեն։
«Լևոն Տեր-Պետրոսյանը բերեց Ռոբերտ Քոչարյանին, որովհետև մտածում էր պաշտպանված լինելու մասին։ Քոչարյանը Լևոնի բերած մարդն էր, բայց պետք է նման պաշտոնյային հեռացներ, հետևաբար, իրենք նույն ոչ բարեկիրթ ու ոչ քաղաքակիրթ ուժերի ներկայացուցիչներն էին։ Հիմա Նիկոլ Փաշինյանն ունի բարդույթներ Լևոն Տեր-Պետրոսյանի նկատմամբ, որովհետև նրա աշակերտն է եղել, նա Լևոն Տեր-Պետրոսյանի հետ միասին պայքարել է մեր դեմ, հարցրեք՝ 1996 թվականին որտե՞ղ էիր»,- ասաց Պարույր Հայրիկյանը։
Մանրամասները՝ տեսանյութում։
