24.11.2024 | 10:17
Հրդեհ ավտոտնակում․ այրվել է երկու ավտոմեքենա
Լիտվայում ՀՀ դեսպան Արա Մարգարյանն իր հավատարմագրերն է հանձնել Լիտվայի նախագահ Գիտանաս Նաուսեդային
Քաղաքականություն
05.12.2023 | 11:55
Դեկտեմբերի 4-ին Լիտվայի Հանրապետությունում Հայաստանի Հանրապետության դեսպան Արա Մարգարյանն իր հավատարմագրերն է հանձնել նախագահ Գիտանաս Նաուսեդային․ տեղեկացնում են ՀՀ ԱԳՆ-ից։
Պաշտոնական արարողությանը հաջորդած առանձնազրույցի ընթացքում նախագահ Գիտանաս Նաուսեդան շնորհավորել է դեսպան Արա Մարգարյանին պաշտոնը ստանձնելու կապակցությամբ և հաջողություն մաղթել այդ պատասխանատու առաքելության իրականացման գործում:
Հանդիպման ընթացքում քննարկվել է հայ-լիտվական երկկողմ օրակարգի հարցերի լայն շրջանակ, բարձր է գնահատվել երկու երկրների միջև ձևավորված քաղաքական երկխոսությունը և ընդգծվել է տարբեր ոլորտներում համագործակցության ընդլայնման հրամայականը։ Հատուկ կարևորվել է ԵՄ դերը Հայաստանում ընթացող բարեփոխումների գործընթացի շարունակականության ապահովվման հարցում:
Զրուցակիցները մտքեր են փոխանակել նաև Հարավային Կովկասի անվտանգային իրավիճակի վերաբերյալ: Արա Մարգարյանը ներկայացրել է տարածաշրջանում կայունության հաստատման ու Ադրբեջանի հետ հարաբերությունների կարգավորման ուղղությամբ ՀՀ կառավարության ջանքերը, ինչպես նաև Լեռնային Ղարաբաղի էթնիկ զտման հետևանքով բռնի տեղահանված հայերի կարիքների և իրավունքների հասցեագրման ուղղությամբ իրականացվող քայլերը:
