03.07.2026 | 11:11
«Արտյոմին ու Գոռին չոտկի կտաս, մնացածին՝ 20 պակաս ես տալում, հարցը լուծվում ա»․ ՀԿԿ ձայնագրություն
Factor TV-ի լրագրողն 1-ին կարգի մրցանակ ստացավ Թրաֆիքինգի և մարդկանց շահագործման դեմ պայքարի լուսաբանման մրցանակաբաշխությունում
Հասարակություն
04.12.2023 | 20:24
Factor TV-ն լրագրող Արաքս Մամուլյանն 1-ին կարգի մրցանակ է ստացել Թրաֆիքինգի և մարդկանց շահագործման դեմ պայքարի լուսաբանման մրցանակաբաշխությունում:
Մրցույթի «Տպագիր կամ էլեկտրոնային նյութեր» անվանակարգում ներկայացվել էր Factor-ի լրագրող Արաքս Մամուլյանի «Մի օր ընկերուհուս խփեց կաթի բիդոնով, ինքը բողոքեց». մանկատան նախկին սանի պնդմամբ՝ ինքն ու ընկերուհին շահագործման են ենթարկվել անասնաֆերմայում» հոդվածը:
«Տպագիր կամ էլեկտրոնային նյութեր» անվանակարգում երկրորդ մրցանակին արժանացավ News.am-ի լրագրող Թագուհի Մելքոնյանը, երրորդին՝ Jamnews-ի լրագրող Սոնա Մարտիրոսյանը:
Մրցույթի «Հեռուստա/ռադիո արտադրանք» անվանակարգում առաջին մրցանակը ստացավ լրագրող Տաթևիկ Աբրահամյանը, երկրորդը՝ Նարինե Սոլոմոնյանը, երրորդ տեղում լրագրող Ամալյա Պապյանն էր:
Ամենամյա լրագրողական մրցանակաբաշխությունը կազմակերպում է ՀՀ Կրթության, գիտության, մշակույթի և սպորտի նախարարությունը:
Մրցանակաբաշխության նպատակն է՝ խրախուսել Հայաստանում մարդկանց թրաֆիքինգի և շահագործման դեմ պայքարի բազմակողմանի, օբյեկտիվ և արդյունավետ լուսաբանումը՝ դրանով նպաստելով մարդկանց թրաֆիքինգի և շահագործման կանխարգելմանն ուղղված իրազեկվածության մակարդակի բարձրացմանը:
