15.01.2026 | 12:36
Նոր պատվաստանյութեր ենք ներդրել վերջին տարիներին. Ավանեսյան․ ՏԵՍԱՆՅՈՒԹ
ՀՀ-ն և ՌԴ-ն խորհրդակցություն կանցկացնեն զանգվածային հեռահաղորդակցման ոլորտի Միջպետական համաձայնագրի խախտումների հարցով
04.12.2023 | 12:54
Բարձր տեխնոլոգիական արդյունաբերության նախարարությունը պաշտոնապես դիմել է ռուսական կողմին՝ նախաձեռնելով խորհրդակցություններ երկու երկրների իրավասու գերատեսչությունների միջև զանգվածային հեռահաղորդակցման ոլորտում համագործակցության վերաբերյալ ձեռք բերված պայմանավորվածությունների իրականացման ընթացքի շուրջ։ «Արմենպրես»-ի հետ զրույցում այս մասին տեղեկացրել է ՀՀ ԲՏԱ նախարարի տեղակալ Ավետ Պողոսյանը:
Նրա խոսքով՝ ռուսական կողմն ընդունել է հրավերը և դեկտեմբերի կեսերին նախատեսված են խորհրդակցություններ՝ Հայաստանի և Ռուսաստանի միջև զանգվածային հեռահաղորդակցման ոլորտի Միջպետական համաձայնագրի 4-րդ և 5-րդ կետերի խախտումների հարցով, համաձայնագրով ձեռք բերված պարտավորությունների իրականացման շուրջ։
«Հայկական կողմը պատրաստակամ է հետևողական քայլեր իրականացնել` հիշյալ Համաձայնագրով ստանձնած պարտավորությունների պահպանման, ինչպես նաև խախտումների բացառման նպատակով»,- շեշտեց Ավետ Պողոսյանը:
