15.01.2026 | 14:24
Կանադան ողջունել է Ադրբեջանի կողմից հայ գերիների ազատ արձակումը
Արցախում ռազմական գործողությունների և բենզապահեստում պատահարի հետևանքով տուժածներից շարունակում է բուժում ստանալ 46 պացիենտ, 3-ի վիճակը ծանր է
04.12.2023 | 12:36
Արցախում սեպտեմբերի 19-ին ադրբեջանական կողմի սազնձազերծած ռազմական գործողությունների և վառելիքի պահեստում տեղի ունեցած պայթյունի հետևանքով վիրավորների բուժումը ՀՀ-ում շարունակվում է։
Մայրաքաղաքի բժշկական տարբեր կենտրոններում այս պահին բուժում է ստանում 46 պացիենտ․ այս մասին Factor.am-ին հայտնեց առողջապահության նախարարության մամուլի քարտուղար Մարիամ Ծատրյանը։
Տուժածներից 3-ի առողջական վիճակը ծանր է։ 19 պացիենտ բուժումը շարունակում է ցերեկային ստացիոնար պայմաններում։
Հայաստան է վերադարձել Եվրոպա բուժման մեկնած 3 պացիենտ, ԱՄՆ-ից` մեկ երեխա, մյուսը բուժումը շարունակում է Բոստոնում: Մի քանի օրվա ընթացքում կվերադառնան նաև այլ պացիենտներ: Ըստ առողջապահության նախարարության մամուլի քարտուղարի՝ արտասահմանում բուժում ստացողների մոտ կրիտիկական փուլն անցել է, վերականգնողական բուժումը կշարունակեն արդեն ՀՀ-ում։
Անի Թամրազյան
