Քաղաքականություն
01.12.2023 | 10:37
Իսրայելի բանակը պաշտոնապես հայտարարել է Գազայի հատվածում ռազմական գործողությունների վերսկսման մասին, գրում է BBC-ի ռուսական ծառայությունը։
«Իսրայելի պաշտպանության բանակը վերսկսել է Գազայի հատվածում ՀԱՄԱՍ ահաբեկչական կազմակերպության դեմ մարտական գործողությունները»,- ասվում է հաղորդագրության մեջ։
Սոցցանցում հրապարակված հայտարարության մեջ Իսրայելի պաշտպանության բանակը մեղադրել է ՀԱՄԱՍ-ին օպերատիվ դադարի պայմանները խախտելու և Իսրայելի տարածքը գնդակոծելու մեջ։ Նշվում է, որ Գազայից մի քանի հրթիռ է արձակվել Իսրայելի տարածքի ուղղությամբ։
Իսրայելական օդուժն իր հերթին ավիահարվածներ է հասցրել պաղեստինյան օբյեկտներին:
