25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Փաշինյանի լիազորություններն ընդլայնվում են․ ԱԱԾ տնօրեն ու տեղակալ նշանակելու և ազատելու իրավասությունը վերցվում է նախագահից
Քաղաքականություն
30.11.2023 | 13:19
Կառավարությունն ընդլայնում է Նիկոլ Փաշինյանի լիազորությունները։ Գործադիրն այսօրվա նիստում հավանության արժանացրեց արդարարադատության նախարարության մշակած նախագիծը, որով սահմանվում է՝ Ազգային անվտանգության ծառայության տնօրեն ու տեղակալներ կնշանակի և կազատի վարչապետը, այլ ոչ թե նախագահը։
«Ներկայումս գործող կարգավորումների պայմաններում ստացվում է, որ Ազգային անվտանգության ծառայության տնօրենի և տնօրենի տեղակալների պաշտոնները զինվորական ծառայության պաշտոններ են: Ծառայության տնօրենին պաշտոնի նշանակում և պաշտոնից ազատում է Հանրապետության նախագահը՝ վարչապետի առաջարկությամբ: Հաշվի առնելով այն, որ «Պետական կառավարման համակարգի մարմինների մասին» օրենքի 5-րդ հոդվածի 2-րդ մասի 1-ին կետի համաձայն՝ Ծառայությունը վարչապետին ենթակա մարմին է, մինչդեռ Ծառայության տնօրենը և տնօրենի տեղակալները ներկայիս կարգավորումների համաձայն պաշտոնի նշանակվում և պաշտոնից ազատվում են նախագահի կողմից, անհրաժեշտ է վերանայել գործող կարգավորումներն այնպես, որ նշված անձանց պաշտոնի նշանակի և պաշտոնից ազատի վարչապետը՝ նկատի ունենալով Ծառայության՝ վերջինիս ենթակա լինելը»,-նշված է նախագծի հիմնավորման մեջ։
Ուշագրավ է, որ այս նախագիծը համարվել է անհետաձգելի և կուղարկվի Ազգային ժողով։
Նարեկ Կիրակոսյան
