18.07.2026 | 13:56
ՌԴ-ն պատրաստվում է ռազմաճակատ ուղարկել նաև թմրամիջոցների մաքսանենգության և հանցավոր խմբավորումների գործերով դատապարտվածներին
Կայացավ Factor TV-ի ուսանողների վերջին խմբի մրցանակաբաշխությունը. ՏԵՍԱՆՅՈՒԹ
Հասարակություն
30.11.2023 | 14:15
Գործնական հմտություններ, իրական ժամանակում տրվող և իրականացվող հանձնարարություններ, լրագրողական վարպետության դասեր ոլորտի հայտնի դեմքերից, դժվարին իրավիճակներում աշխատելու փորձառություն․ այս ամենը եղել է Factor TV-ում եռամսյա փորձաշրջան անցած ուսանողների առօրյայի անբաժան մասը։ Եռամսյա փորձաշրջանների վերջին՝ հինգերորդ և վեցերորդ խմբերի մրցանակաբաշխությամբ ամփոփվում և ավարտվում է 3 տարի տևած ծրագիրը։
Եռամսյա 6 փորձաշրջան, 37 ուսանող, 115 հրապարակում․ Factor TV-ի գործադիր տնօրեն Արևիկ Սահակյանը ներկայացնում է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակում իրականացված փորձաշրջանների արդյունքները։ 37 շրջանավարտների կեսից ավելին արդեն աշխատում է հայաստանյան լրատվամիջոցներում։
Deutsche Welle Akademie-ի գործադիր տնօրեն Քարսթեն վոն Նամենը, ողջունելով Հայաստանում ծրագրի անցկացումը, արդյունավետ գնահատեց «Եվրոպական մեդիահարթակ Հայաստանում» ծրագրի շրջանակում համագործակցությունը։
Միջոցառման պաշտոնական մասին հաջորդած մրցանակաբաշխության արարողության ժամանակ 12 ուսանողներից 4-ը պարգևատրվեցին Factor TV-ի փորձաշրջանի ընթացքում պատրաստած հեղինակային ռեպորտաժների համար, իսկ փորձաշրջանի մյուս մասնակիցները ստացան խրախուսական նվերներ։
Եռամյա այս ծրագիրն իրականցվել է Deutsche Welle Akademie-ի, BBC Media Action-ի, «Բաց հասարակության հիմնադրամներ-Հայաստան»-ի, «Հետք»-ի և Factor TV-ի հետ համատեղ՝ Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության ֆինանսավորմամբ։
Մանրամասները` տեսանյութում։
Անի Թամրազյան
