Քաղաքականություն
30.11.2023 | 11:25
Տավուշի մարզի և Ադրբեջանի Ղազախի շրջանի հատվածում մեկնարկել է Հայաստանի Հանրապետության և Ադրբեջանի Հանրապետության միջև պետական սահմանի սահմանազատման ու սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի հանդիպումը: Այս մասին Factor.am-ի հետ զրույցում հայտնեցին փոխվարչապետ Մհեր Գրիգորյանի գրասենյակից։
Հանդիպմանը մասնակցում են ոչ միայն հանձնաժողովները գլխավորող փոխվարչապետերը, այլև հանձնաժողովի ամբողջ կազմը։ Հանդիպման օրակարգի մանրամասները չեն հաղորդվում։
Նշենք, որ հանձնաժողովների վերջին հանդիպումը տեղի էր ունեցել այս տարվա հուլիսի 12-ին:
