07.10.2026 | 15:00
Հայտարարվել են քիմիայի ոլորտում Նոբելյան մրցանակի դափնեկիրները
2030թ․ ձմեռային օլիմպիական խաղերը կարող են անցկացվել Ֆրանսիայում, իսկ 2034 թվականին՝ ԱՄՆ-ում
Քաղաքականություն
30.11.2023 | 21:24
Միջազգային օլիմպիական կոմիտեն (ՄՕԿ) որոշել է ֆավորիտ երկրներին, որոնք կարող են ընդունել ձմեռային օլիմպիական խաղերը 2030 և 2034 թվականներին․ դրանք են՝ Ֆրանսիան և ԱՄՆ-ը։ Նախնական որոշումը կայացվել է նոյեմբերի 29-ին Փարիզում կայացած ՄՕԿ-ի նիստից հետո, հայտնում է DW-ի ռուսական ծառայությունը։
Ակնկալվում է, որ Ֆրանսիայում ձմեռային մարզաձևերի հետ կապված դիսցիպլիններ կանցկացվեն ֆրանսիական Ալպերի տարբեր վայրերում, իսկ սառույցի վրա մրցումները կանցկացվեն Նիսում՝ Լազուրե ափին։
ԱՄՆ-ում 2034 թվականի Օլիմպիական խաղերի անցկացման վայրը պետք է լինի Սոլթ Լեյք Սիթին, որտեղ 2002 թվականին արդեն անցկացվել են ձմեռային օլիմպիական խաղերը։
Ապագա ձմեռային օլիմպիական խաղերի կազմակերպման հանձնաժողովի նախագահ Կառլ Ստոսսի խոսքով՝ ՄՕԿ-ը մանրամասն քննարկումների մեջ կլինի ապագա խաղերը հյուրընկալող երկրների հետ մինչև 2024 թվականի հուլիսը, երբ Փարիզում տեղի կունենան ամառային օլիմպիական խաղերը։ Այդ ժամանակ պաշտոնապես հայտնի կդառնան ապագա խաղերն ընդունող երկրները։
Բացի այդ, ՄՕԿ-ը դիտարկում է նաև Շվեյցարիան որպես ձմեռային Օլիմպիական խաղերի հնարավոր ընդունող երկիր. ակնկալվում է, որ երկիրը կընդունի Օլիմպիական խաղերը 2038 թվականին: Դրա հետ մեկտեղ, ձմեռային խաղերն ընդունելու հնարավորություն ունի նաև Շվեդիան, սակայն երկու երկրներում էլ ներկայում չկա հասարակական կոնսենսուս Օլիմպիական խաղերի անցկացման հարցում։
