04.04.2026 | 10:09
ՀՀ տարածքում ավտոճանապարհները հիմնականում անցանելի են
Ռուս զինվորականը Երևանում «Ուրալ»-ով բախվել է խանութի պատին, հետընթացով՝ արմատախիլ արել ծառը․ ՏԵՍԱՆՅՈՒԹ
Տեսանյութեր
29.11.2023 | 17:32
Երևանի Սեբաստիա 129 հասցեում այսօր վաղ առավոտյան ժամը 4-5-ի սահմաններում ռուս զինվորականն «Ուրալով» բախվել է կոսմետիկայի խանութի պատին, ինչի հետևանքով խանութի պատը փլուզվել է։ Դեպքի վայրում գտնվողների խոսքով՝ մեքենան հետընթաց կատարելիս բախվել մայթեզրի ծառին ու արմատախիլ արել այն։
Խանութի տերը, որ չցանկացավ ներկայանալ, Factor TV-ի հետ կադրից դուրս զրույցում նշեց, որ առավոտյան է իմացել դեպքի մասին․
«Այդ պահին ոչ ոք չի եղել ներսում, զանգեցին, ասացին, որ վթար է եղել։ Տարածքն իմը չէ, վարձակալությամբ ենք վերցրել, մոտավոր վնասի չափը չենք կարող ասել, ապահովագրական ընկերությունից ասել են՝ ոչնչի ձեռք չտանք, մինչև գան, նկարեն»։
Բացի կոսմետիկայի խանութից, վնասվել է նաև հարևանությամբ գործող սմարթֆոնների խանութի դարպասը։ Ըստ ականատեսների՝ վարորդը խմած է եղել, վթարից վնասվել է նաև «Lexus» մակնիշի ավտոմեքենա, որը, Factor TV-ի նկարահանման պահին տարածքում չէր։
Վարորդը լուսադեմին շտապ օգնությունով տեղափոխվել է հիվանդանոց, որոշ ժամանակ անց՝ դուրս գրվել։ Վթարի հետևանքով զոհեր չկան։
