12.01.2025 | 18:04
ՀՀ ԱԳՆ-ն ամփոփել է 2024թ․-ին հյուպատոսական ծառայություններում արձանագրված փոփոխությունները
Պաշտպանը միջնորդեց Ռոբերտ Քոչարյանի առանձնատան գույքահարկը վճարել արգելանքի տակ դրված դրամական միջոցներից
Հասարակություն
28.11.2023 | 18:21
Հայաստանի երկրորդ նախագահ Ռոբերտ Քոչարյանի և նրա ընտանիքի գույքի վերաբերյալ գործի քննության որոշ հատվածներ դռնփակ կանցկացվեն: Հակակոռուպցիոն դատարանում գործի քննության ժամանակ պատասխանող կողմը միջնորդել էր դռնփակ քննել գործը, որից հետո լրագրողները դուրս էին եկել դահլիճից:
Դրանից հետո կարգադրիչը տեղեկացրեց, որ լրագրողները կարող են դահլիճ մտնել, և ինչպես պարզ դարձավ կողմերի խոսքից՝ որոշվել է այս փուլում նիստը դռնբաց անցկացնել, սակայն գործի որոշ հատվածներ դռնփակ են դառնալու:
Այսօրվա նիստի ընթացքում Ռոբերտ և Սեդրակ Քոչարյանների ներկայացուցիչ Արամ Օրբելյանը հայտնեց, որ որպես հայցի ապահովման միջոց՝ Քոչարյանի դրամական միջոցների վրա արգելանք է դրված, որի պատճառով նրանց առանձնատան գույքահարկը, ինչպես նաև այլ հարկային պարտավորություններ՝ շուրջ 20 մլն դրամի չափով, հնարավոր չէ մարել։ Պաշտպանը միջնորդեց կիրառել հայցի ապահովման մասնակի վերացում և թույլ տալ 20 մլն դրամի չափով ուղղել հարկերի մարմանը։
Դատարանն այս միջնորդության լուծմանը, ամենայն հավանականությամբ, կանդրադառնա հաջորդ դատական նիստին։
Արաքս Մամուլյան
