14.12.2024 | 19:57
Ինչ իրավիճակ է ճանապարհներին 19։35-ի դրությամբ
Պայքարելու ենք, որ վերականգնվեն Ադրբեջանից բռնի տեղահանված անձանց իրավունքները․ ՔՊ պատգամավոր․ ՏԵՍԱՆՅՈՒԹ
Քաղաքականություն
28.11.2023 | 17:35
«Հայկական պատմամշակութային հետքը Բաքվում» խորագրով ցուցահանդես է բացվել ՀՀ Ազգային ժողովում։ Ներկայացված են Բաքվի հայկական կրոնական և պատմամշակութային ժառանգությունը, հայ ճարտարապետների և ինժեներների հեղինակած շինություններն ու Բաքվի հայ մեծահարուստների ժառանգությունը։
Ցուցահանդեսի կազմակերպիչ, «Գարդման-Շիրվան-Նախիջևան» համահայկական միության նախագահ, «Քաղաքացիական պայմանագիր» խմբակցության պատգամավոր Վիլեն Գաբրիելյանի խոսքով՝ հետևողական պայքարելու են, որպեսզի վերականգնեն Ադրբեջանից բռնի տեղահանված անձանց իրավունքները։
«Ինչպես գիտեք՝ Ադրբեջանից հայերի բռնի գաղթը սկսվել է 1988 թվականի փետրվարի 27-ից Սումգայիթի ջարդերով և շարունակվել է Բաքվում ու Ադրբեջանի այլ քաղաքներում։ Փաստացի չունենալով միջազգային հանրության պատշաճ գնահատականը՝ այն քաղաքականությունը, որը վարել է այն ժամանակվա ադրբեջանական իշխանությունը հայերի հանդեպ՝ ագրեսիվ և էթնոֆոբ, շարունակվել է մինչ օրս, և վերջերս կրկին Լեռնային Ղարաբաղից ունեցել ենք ավելի քան 100 հազար հայերի բռնի գաղթ։ Ադրբեջանում ծնված և Հայաստան տեղափոխված հայերի թիվն այս պահի դրությամբ ավելի քան 500 հազար է, իսկ, ընդհանուր առմամբ, Ադրբեջանից բռնագաղթած հայերի թիվը 800 հազարից ավելի է։ Մեր հասարակական կազմակերպության հիմնական նպատակը հետևողական պայքարն է Գարդմանի, Շիրվանի և Նախիջևանի հայերի ոտնահարված իրավունքների պատշաճ բարձրաձայնման, արձանագրման և վերականգման համար՝ սկսած պատմամշակութային ժառանգությունից և վերջացրած վերադարձի իրավունքից»,- ընդգծեց Գաբրիելյանը։
Մանրամասները՝ տեսանյութում։
Նարեկ Կիրակոսյան
