12.03.2026 | 22:38
Թուրքիայում սկսել են ձերբակալել ու ճնշել Ալիևին քննադատողներին՝ Ադրբեջանից Էրդողանի փեսայի հասցեին մեղադրանքներից հետո
Քոչարյանների փաստաբանները միջնորդեցին դռնփակ քննել ենթադրյալ ապօրինի գույքի բռնագանձման գործը
Հասարակություն
28.11.2023 | 16:00
Հակակոռուպցիոն դատարանում` նախագահությամբ դատավոր Նարինե Ավագյանի, այսօր սկսվեց Հայաստանի երկրորդ նախագահ Ռոբերտ Քոչարյանի և նրա ընտանիքի ենթադրյալ ապօրինի գույքի բռնագանձման գործի քննությունը:
Դատախազության այս հայցադիմումով պատասխանող են Ռոբերտ Քոչարյանը, վերջինիս կինը՝ Բելլա Քոչարյանը, որդիները՝ Լևոն և Սեդրակ Քոչարյանները, վերջիններիս կանայք՝ Սիրանուշ Քոչարյանը (երգչուհի Սիրուշո), Զարուհի Բադալյանը, աղջիկը՝ Գայանե Քոչարյանը, վերջինիս ամուսինը՝ Վիգեն Չատինյանը։
Դատախազության կողմից նախնական ուսումնասիրության արդյունքում ապօրինի է դիտարկվել և ապահովման միջոց կիրառվել 20 անշարժ գույքի նկատմամբ, որոնց թվում՝ Տերյան, Աբովյան, Պարոնյան փողոցներում, Հյուսիսային պողոտայում գտնվող շենքեր, բնակարաններ, ավտոկայանատեղիներ և հասարակական նշանակության տարածքներ, Ծաղկաձորում գտնվող հանգստյան տուն, Իսակովի պողոտայի 2 անշարժ գույք։
Նիստի մեկնարկին փաստաբանները նախ առարկեցին ուղիղ հեռարձակման, տեսա և լուսանկարահանման դեմ, ապա միջնորդեցին գործը դռնփակ քննել:
Նիստը դռնփակ անցկացնելու վերաբերյալ հարցը դռնփակ է քննվում, ուստի՝ դահլիճում ներկա լրագրողները դուրս են եկել դահլիճից:
Արաքս Մամուլյան
