15.09.2026 | 10:15
«Պարզ լճի» հարակից անտառում վնասվածք ստացած քաղաքացուն փրկարարները պատգարակով դուրս են բերել
ԿԽՄԿ Բաքվի գրասենյակից հայտնել են, որ տեսակցել են հայ գերիներին և Արցախի ղեկավարներին
Քաղաքականություն
28.11.2023 | 14:05
Կարմիր Խաչի միջազգային կոմիտեի ներկայացուցիչները նոյեմբերին կրկին այցելել են Բաքվում ապօրինի պահվող հայ գերիներին, Արցախի նախկին ղեկավարներին ու պաշտոնյաներին, ինչպես նաև Հայաստանում կալանավորված և իրենց պատիժը կրող ադրբեջանցի զինծառայողներին։ Տեսակցությունների մասին ադրբեջանական լրատվամիջոցներին հայտնել է ԿԽՄԿ Բաքվի ներկայացուցչության հասարակայնության հետ կապերի բաժնի ղեկավար Իլահա Հուսեյնովան։
Նշվում է, որ անցկացվել են անհատական հանդիպումներ գերիների հետ և պայմաններ են ստեղծվել նրանց ընտանիքների հետ շփման համար։
«Իր մանդատի համաձայն՝ նման այցելությունների ընթացքում ԿԽՄԿ-ն գնահատում է պահվող անձանց նկատմամբ վերաբերմունքը և պահման պայմաններն ու օգնում ապահովել, որ նրանց ընտանիքների միջև կապը վերականգնվի կամ պահպանվի: ԿԽՄԿ-ի ընթացակարգերին համապատասխան՝ այցերից հետո դիտողություններն ու առաջարկությունները փոխանցվում են միայն այն երկրի իշխանություններին, որտեղ նրանք պահվում են»,- ասել է ԿԽՄԿ ներկայացուցիչը։
Էմմա Չոբանյան
