17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
ՀԱՊԿ գլխավոր քարտուղարը հայտարարել է, թե «Հայաստանը եղել և մնում է կազմակերպության դաշնակիցը»
Քաղաքականություն
27.11.2023 | 12:14
Հայաստանը եղել և մնում է Հավաքական անվտանգության պայմանագրի կազմակերպության (ՀԱՊԿ) դաշնակիցը, ՏԱՍՍ-ին ասել է ՀԱՊԿ գլխավոր քարտուղար Իմանգալի Տասմագամբետովը՝ նշելով, որ Մինսկի նստաշրջանում Երևանի ներկայացուցիչների բացակայությունից «կտրուկ եզրակացություններն անելն անիմաստ է»։
«Իմ կարծիքով, այս իրավիճակից կատեգորիկ եզրակացություններ անելն անիմաստ է, Հայաստանը եղել և մնում է մեր դաշնակիցը․ դա, կարծում եմ, ամեն ինչ ասում է»,- ասել է նա։
«Որքան հայտնի է (ՀԱՊԿ) քարտուղարությանը, հայկական պատվիրակության բացակայության պատճառները տեխնիկական բնույթ են կրել,- ասել է գլխավոր քարտուղարը,- ամեն դեպքում, սա անկախ և ինքնիշխան պետության որոշում է, որի վրա ազդել չի կարող ոչ մի այլ պետություն կամ կազմակերպություն։ ՀԱՊԿ-ը հարգում է Հայաստանի Հանրապետության որոշումը՝ որպես կազմակերպության լիիրավ անդամի»։
Հիշեցնենք, որ նոյեմբերի 23-ին Մինսկում կայացած Հավաքական անվտանգության պայմանագրի կազմակերպության գագաթնաժողովը տեղի ունեցավ ՀԱՊԿ-ի և Հայաստանի միջև հարաբերությունների վատթարացման ֆոնին։ ՀՀ վարչապետ Նիկոլ Փաշինյանը ավելի վաղ մեղադրել էր ՀԱՊԿ-ին 2021 թվականի մայիսին և 2022 թվականի սեպտեմբերին Բաքվի հետ բախումների ժամանակ Երևանին օգնություն չցուցաբերելու մեջ։
Այս ֆոնին Երևանը ՀԱՊԿ-ին խնդրել էր օրակարգից հանել երկրին օգնության հարցը, իսկ Փաշինյանը Բելառուսի նախագահ Ալեքսանդր Լուկաշենկոյին տեղեկացրել էր, որ մտադիր չէ գնալ Մինսկ։
