19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
ԱՄՆ-ը շարունակում է մնալ ԼՂ-ի էթնիկ հայերի կողքին․ Սամանթա Փաուեր
Քաղաքականություն
21.11.2023 | 18:39
ԱՄՆ-ը շարունակում է մնալ ԼՂ-ի էթնիկ հայերի կողքին։ Այս մասին X-ի իր միկրոբլոգում գրառմամբ հայտնել է ԱՄՆ Միջազգային զարգացման գործակալության ղեկավար Սամանթա Փաուերը։
«Երկու ամիս առաջ Ադրբեջանի ռազմական գործողությունը Լեռնային Ղարաբաղում ստիպեց ավելի քան 100 հազար մարդու լքել իրենց տները և տեղափոխվել հարևան Հայաստան։ ԱՄՆ-ը շարունակում է մնալ ԼՂ-ի էթնիկ հայերի կողքին։ Այսօր ԱՄՆ-ը հայտարարում է լրացուցիչ 4 միլիոն դոլար հատկացնելու մասին՝ Լեռնային Ղարաբաղից տեղահանվածներին օգնելու համար: Մենք երախտապարտ ենք Հայաստանի կառավարությանը տեղահանվածներին հոգատարությամբ ընդունելության համար և կշարունակենք աջակցել նրանց՝ որպեսզի մարդիկ ստանան իրենց անհրաժեշտ օգնությունը:
ԱՄՆ Միջազգային զարգացման գործակալության այս նոր ֆինանսավորմամբ 70 հազար մարդու տրամադրվում է շտապ անհրաժեշտ մարդասիրական օգնություն, ինչպիսիք են պարենային օգնությունը, մարդասիրական պաշտպանությունը և շտապ ապաստան: Ի արձագանք ԼՂ-ի իրադարձություններին՝ ԱՄՆ-ի հատկացրած մարդասիրական օգնությունն այժմ կազմում է 28 միլիոն դոլար՝ սկսած 2020 թվականից:
Հայաստան կատարած իմ վերջին այցի ժամանակ ես հենց ԼՂ-ից տեղահանվածներից շատերից լսեցի իրենց տները լքելու ահռելի դժվարությունների և սրտի ցավի մասին: Մենք կշարունակենք նրանց աջակցելու համար անել ամեն ինչ, ինչպես նաև նրանց համար, ովքեր առատաձեռնորեն հյուրընկալում են նրանց Հայաստանում»,- նշել է Սամանթա Փաուերը:
Two months ago, Azerbaijan’s military operation in Nagorno-Karabakh forced more than 100k people to leave their homes & move into neighboring Armenia. The U.S. continues to stand with the ethnic Armenians from NK. (1/4) pic.twitter.com/lKj2lKhTyy
— Samantha Power (@PowerUSAID) November 21, 2023
