26.06.2026 | 10:51
ՍԴ-ն քննում է ընտրությունների արդյունքներն անվավեր ճանաչելու գործը․ ՈՒՂԻՂ
Հայաստանն Ադրբեջանին է փոխանցել խաղաղության պայմանագրի վերաբերյալ 6-րդ առաջարկը․ ՀՀ ԱԳՆ
Քաղաքականություն
21.11.2023 | 14:56
ՀՀ ԱԳ նախարարությունը հայտնում է, որ Ադրբեջանին են փոխանցվել խաղաղության պայմանագրի նախագծի վերաբերյալ առաջարկները։
«Հետևելով ՀՀ վարչապետ Նիկոլ Փաշինյանի՝ նոյեմբերի 18-ի հրապարակային հայտարարությանը՝ ակտիվացնելու դիվանագիտական ջանքերը Ադրբեջանի հետ խաղաղության պայմանագրի ստորագրմանը հասնելու համար, հայկական կողմն ադրբեջանական կողմին է ներկայացրել համաձայնագրի հետ կապված իր 6-րդ առաջարկը։ Հայաստանը հավատարիմ է մնում նախապես հայտարարված սկզբունքների հիման վրա հարաբերությունների կարգավորման փաստաթուղթ կնքելուն և ստորագրելուն»,- ասվում է ՀՀ ԱԳՆ-ի X-ի պաշտոնական էջում գրառման մեջ։
Հավելենք, որ ավելի վաղ պաշտոնական Բաքուն հայտարարել էր, թե Հայաստանը երկու ամսից ավելի է՝ չի պատասխանում առաջարկներին։
Հիշեցնենք նաև, որ Բաքուն վերջին երկու ամսում արդեն իսկ երեք անգամ հրաժարվել է Հայաստանի հետ բանակցություններից։ Խոսքը Գրանադայի, Բրյուսելի և Վաշինգտոնի չեղարկված հանդիպումների մասին է։
Էմմա Չոբանյան
