05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
ԱՄՆ-ն առաջարկում է նպաստել Հայաստանի ու Ադրբեջանի միջև արժանապատիվ ու տևական խաղաղությանը․Միլլեր
Քաղաքականություն
21.11.2023 | 11:33
ԱՄՆ Պետքարտուղարության խոսնակ Մեթյու Միլլերն հերթական ճեպազրույցում անդրադարձել է ԼՂ խնդրին ու Հայաստան-Ադրբեջան բանակցային գործընթացին։ Միլլերը պատասխանել է հարցին, թե ինչ պետք է տեղի ունենար նոյեմբերի 20-ին Վաշինգտոնում, որն այդպես էլ տեղի չունեցավ։
«Ես չեմ պատրաստվում խոսել դրա մասին: Ես կասեմ, որ մենք շարունակում ենք ներգրավել երկու երկրների ղեկավարությանը և առաջարկում ենք նպաստել արժանապատիվ և տևական խաղաղությանը, որտեղ հարգվում են բոլորի իրավունքները։Կարևոր է, որ Հայաստանն ու Ադրբեջանն ուղղակիորեն քննարկեն և լուծեն հարցեր՝ ի շահ տարածաշրջանի: Մենք կողջունենք մասնակցությունը այս բանակցությունների դյուրացմանը: Մենք տեսել ենք, որ այլ երկրներ առաջարկում են հեշտացնել այս բանակցությունները: Մենք կարծում ենք, որ կարևոր է, որ երկու երկրները դեմ առ դեմ խոսեն՝ տևական համաձայնության հասնելու համար»,-ասել է Միլլերը։
Հիշեցնենք, որ Բաքուն հրաժարվել էր Վաշինգտոնում նոյեմբերի 20-ին ծրագրվող Հայաստան-Ադրբեջան բանակցություններին մասնակցությունից, իսկ ավելի վաղ չէր մասնակցել նաև Գրանադայում հնգակողմ հանդիպմանը։
