04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Տավուշի ոստիկանները հայտնաբերել են շուրջ 6 խմ փայտանյութով բեռնված բեռնատար
Հասարակություն
20.11.2023 | 18:30
Ոստիկանության Տավուշի բաժնի ծառայողները շարունակում են հետևողական պայքարը ապօրինի ծառահատումների դեմ։ Հերթական արդյունքն արձանագրել են անչափահասների գործերով և ընտանիքում բռնության կանխարգելման բաժանմունքի ծառայողները. տեղեկացնում են ՆԳՆ ոստիակնությունից։
Նոյեմբերի 16-ին Գանձաքար-Իծաքար ճանապարհին ուժեղացված ծառայություն իրականացնելիս նրանք ստուգել են 67-ամյա մի տղամարդու վարած բեռնատարը։ Թափքում շուրջ 6 խմ փայտանյութ կար, իսկ վարորդը դրա օրինականության վերաբերյալ համապատասխան փաստաթուղթ չուներ։
Իրավապահները պարզել են, որ տարբեր տեսակի շուրջ 60 սմ տրամագծով կանգուն ծառեր «Արծվաբերդի անտառտնտեսությունից» հատել և մեքենան էր բեռնել Իծաքար գյուղից 28-ամյա մի երիտասարդ։
Նախաձեռնվել է քրեական վարույթ։ Հանգամանքները պարզվում են։
