15.09.2026 | 12:01
Թող քրեական գործ սկսվի․ դուք դատվելու եք սուտ մատնության համար․ ՔՊ-ականը՝ Մխիթարյանին․ ՏԵՍԱՆՅՈՒԹ
ՀԱՊԿ գլխավոր քարտուղարը հայտարարել է, որ ՀՀ-ն խնդրել է օրակարգից հանել երկրին օգնության մասին փաստաթուղթը
Քաղաքականություն
20.11.2023 | 13:57
Հայաստանը Հավաքական անվտանգության պայմանագրի կազմակերպության (ՀԱՊԿ) գործընկերներին խնդրել է օրակարգից հանել երկրին օգնության մասին փաստաթուղթը։ Այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը Բելառուսի նախագահ Ալեքսանդր Լուկաշենկոյի հետ հանդիպմանը, գրում է ԲԵԼՏԱ-ն։
«Ինչ վերաբերում է անցյալ տարվա նոյեմբերին կայացած ՀԱՊԿ խորհրդի որոշումների կատարման գործողությունների ծրագրի կատարմանը և Բելառուսի առաջնահերթ ոլորտներին, ապա 34 գործողություններից 32-ն ավարտված են։ Երկու միջոցառում, ցավոք, չենք կարողացել իրականացնել։ Դրանք առաջին հերթին մեր միջազգային շփումներն են եվրոպական միջազգային կազմակերպությունների հետ, ինչպիսին ԵԱՀԿ-ն է։ Եվ երկրորդ հարցը Հավաքական անվտանգության խորհրդի հրամանն է՝ վերջնական տեսքի բերել Հայաստանին օգնության մասին որոշումը։ Թեպետ մյուս դաշնակիցներն աջակցել են որոշմանը, հայկական կողմն այդ փաստթղթի հետ կապված որևէ հետաքրքրություն չի ցուցաբերել, ավելին՝ մեր աշխատանքի ավարտական փուլում նրանք խնդրել են ընդհանրապես այն հանել օրակարգից»,- ասել է ՀԱՊԿ գլխավոր քարտուղարը։
Հավելենք, որ հայկական կողմն այս հարցի հետ կապված որևէ հայտարարություն չի արել։
Նշենք նաև, որ Երևանը հայտնել է, որ ՀՀ վարչապետ Նիկոլ Փաշինյանը չի մասնակցելու Մինսկում նոյեմբերի 23-ին նախանշված ՀԱՊԿ խորհրդի նիստին։
Էմմա Չոբանյան
