Քաղաքականություն
19.11.2023 | 14:29
Հնդկական Bharat Forge ընկերությունը հաստատել է, որ վերջերս ցուցադրած MArG 155 անվավոր ինքնագնաց հաուբիցները նախատեսված են Հայաստանի համար։ Այս մասին գրում է հնդկական Indian Defense Research Wing-ը:
Աղբյուրը գրում է, որ Հայաստանի հետ գործարքը հիմնված է երկու երկրների միջև աճող ռազմավարական գործընկերության վրա, և որ Հնդկաստանը դառնում է Հայաստանին պաշտպանական տեխնիկայի առանցքային մատակարարը:
2020 թվականին Հայաստանը Հնդկաստանից ձեռք է բերել չորս «Swathi» շարժական ռադիոտեղորոշիչ միավորում, իսկ 2022 թվականի սեպտեմբերին կնքվել է 245 մլն դոլարի պայմանագիր՝ «Pinaka» բազմափող հրթիռային կայանների, հակատանկային հրթիռների և տարբեր տեսակի զինամթերքի գնման համար։
Աղբյուրի ներկայացմամբ՝ MArG 155 մմ-ը հզոր, ճշգրիտ ժամանակակից հրետանային համակարգ է։
