09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ՀՀ-ն փետրվարի 1-ից կդառնա ՄՔԴ-ի լիիրավ անդամ․ ՀՀ-ն խոստացել է ամբողջությամբ և առանց հապաղելու համագործակցել դատարանի հետ
Քաղաքականություն
17.11.2023 | 17:10
Հայաստանը պաշտոնապես հանձնել է Հռոմի ստատուտի վավերացումը հաստատող փաստաթղթերը։ Այս մասին ասվում է Միջազգային քրեական դատարանի (ՄՔԴ) հայտարարության մեջ։
Այսպիսով, Երևանը կդառնա միջազգային մարմնի լիիրավ անդամ 2024 թվականի փետրվարի 1-ից։
«2023 թվականի նոյեմբերի 14-ին Հայաստանի Հանրապետությունը պաշտոնապես ի պահ է հանձնել Միջազգային քրեական դատարանի (ՄՔԴ) Հռոմի կանոնադրության վավերացման փաստաթուղթը։ Կանոնադրությունը Հայաստանի համար ուժի մեջ կմտնի 2024 թվականի փետրվարի 1-ից։ Հայաստանը կդառնա 124-րդ պետությունը, որը միանում է Կանոնադրությանը և 19-րդ պետությունը Արևելյան Եվրոպայի խմբից, որը միանում է դրան»,- ասված է դատարանի տարածած հայտարարության մեջ։
Դրանում նշվում է, որ Երևանը փաստաթղթեր է հանձնել, որոնք հաստատում են, որ «Հայաստանը հետադարձ ուժով ընդունում է դատարանի իրավասությունը 2021 թվականի մայիսի 10-ից»։ Երկրի ղեկավարությունը խոստացել է «ամբողջությամբ և առանց հապաղելու համագործակցել դատարանի հետ»։
