24.05.2026 | 21:12
ՃՏՊ Հացիկ-Գյումրի ավտոճանապարհին. փրկարարները մեքենայից դուրս են բերել արգելափակված վարորդին
Արցախյան 44-օրյա պատերազմի մասին հայկական ֆիլմն արժանացել է IDFA փառատոնի գլխավոր մրցանակին
Քաղաքականություն
17.11.2023 | 18:23
Հայկական ֆիլմ արժանացել է Ամստերդամի վավերագրական ֆիլմերի՝ IDFA -2023 հեղինակավոր միջազգային փառատոնի գլխավոր մրցանակին։ Փառատոնը սոցցանցում արված գրառմամբ հայտնում է, որ IDFA-ի լավագույն ֆիլմի մրցանակը շնորհվել է Շողակաթ Վարդանյանի «1489» ֆիլմին։
«Ֆիլմ, որը հանդես է գալիս որպես թափանցող լույս, որը տեսանելի է դարձնում վշտի հսկայական թաքնված ներքին լանդշաֆտը և ստեղծում է շոշափելի ներկայություն անտանելի բացակայությունից: Կինոն որպես գոյատևման գործիք թույլ է տալիս մեզ բոլորիս տեսնել այն, ինչ մենք նախընտրում ենք չտեսնել: Եվ, ի վերջո, կինոյի անմոռանալի օրինակ՝ որպես սիրո ակտ»,- ասվում է տարածված հաղորդագրությունում։
Նշենք, որ ֆիլմը պատմում է Շողակաթ Վարդանյանի՝ Արցախյան 44-օրյա պատերազմում զոհված եղբոր մասունքների որոնման մասին։
Էմմա Չոբանյան
