25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Փաշինյանի որոշումները քննարկման ենթակա չեն. ՔՊ-ից հեռացված
Քաղաքականություն
16.11.2023 | 21:30
Լուսանկարում Թաթուլ Ասիլյանը` ձախից առաջինը
Նոյեմբերի 13-ին «Քաղաքացիական պայմանագիր» կուսակցությունը հայտնեց, որ կուսակցության վարչության որոշմամբ ՔՊ անդամ Թաթուլ Ասիլյանը հեռացվել է կուսակցությունից։
Թաթուլ Ասիլյանը Factor TV-ի հետ զրույցում ասաց, որ պատճառը Արցախից բռնի տեղահանված հայերի մասին գրառումն է։
«Գրել էի արցախցիների վերաբերյալ, որ եթե կմասնակցեն միտինգներին, պետք է ուղարկել համապատասխան վայրեր կամ զրկել կառավարության աջակցությունից։ Դա այն ժամանակ էի գրել, երբ արցախցիները գալիս էին Հայաստան»,- ասաց նա` նշելով, որ շարունակում է մնալ Փաշինյանի աջակիցը։
«Որոշումը կայացվել է վարչության և թիմի առաջնորդի` վարչապետի գլխավորությամբ։ Որոշումը, եթե կայացվել է վարչապետի կողմից, քննարկման ենթակա չէ, ինքս էլ համաձայն եմ»։
Արցախը կորցնելու դեմ ուղղված ակցիաներին մասնակցող արցախցիներին օգնություններից զրկելու կոչեր էր արել նաև Սուրենավանի ՔՊ-ական վարչական ղեկավար Անի Վարդազարյանը։
Նշենք, որ Անի Վարդազարյանն ավելի ուշ նոր գրառմամբ ներողություն էր խնդրել, սակայն, կրկին ընդգծել էր` դեմ է հրապարակում բողոքի ձայն բարձրացնելուն։ Նրան ՔՊ-ից հեռացնելու մասին տեղեկություններ չկան։
Վարչապետի տիկին Աննա Հակոբյանին կամավորության սկզբունքով ներկայացնող Ստելլա Սարուխանյանը ևս արցախցիներին ուղղված այսօրինակ գրառումներ էր կատարել Ֆեյսբուքում։
Նարեկ Կիրակոսյան
