04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Գլխավոր դատախազի հրամանով՝ «նկատողություն» տեսակի տույժ է նշանակվել անհարգելի պատճառով դատական նիստերից բացակայած դատախազի նկատմամբ
Հասարակություն
16.11.2023 | 17:00
Հայաստանի Հանրապետության գլխավոր դատախազ Աննա Վարդապետյանի՝ 2023 թվականի հոկտեմբերի 17-ի որոշման հիման վրա՝ Կոտայքի մարզի դատախազությունում ինքնավար պաշտոն զբաղեցնող անձի նկատմամբ հարուցվել է կարգապահական վարույթ․ տեղեկացնում են ՀՀ գլխավոր դատախազությունից։
Վարույթի շրջանակում հաստատվել է, որ դատախազը, պատշաճ ծանուցված լինելով դատական նիստերի օրերի ու ժամերի մասին, առանց հարգելի պատճառի չի մասնակցել երկու դատական նիստի:
Կարգապահական վարույթի արդյունքները 2023 թվականի նոյեմբերի 8-ին ուղարկվել են ՀՀ գլխավոր դատախազին առընթեր էթիկայի հանձնաժողով:
Էթիկայի հանձնաժողովի՝ 2023 թվականի նոյեմբերի 14-ի որոշմամբ հաստատվել է կարգապահական խախտման առկայությունը և դատախազի մեղավորությունը:
Գլխավոր դատախազի՝ 2023 թվականի նոյեմբերի 15-ի հրամանով՝ Կոտայքի մարզի դատախազությունում ինքնավար պաշտոն զբաղեցնող անձի նկատմամբ նշանակվել է «նկատողություն» տեսակի կարգապահական տույժ:
