27.07.2026 | 21:00
ՔՆՆԱՐԿՈւՄ․ Զբոսաշրջիկների ռեկորդային հոսք ՀՀ 6 ամսում․ ի՞նչ խնդիրներ և առավելություններ են ի հայտ եկել․ ՏԵՍԱՆՅՈՒԹ
ՀՀ-ում ադրբեջանցիների վերաբնակեցման հարցը չի քննարկվում․ ՀՀ ԱԳՆ
Քաղաքականություն
16.11.2023 | 09:42
Հայաստանում ադրբեջանցիների վերաբնակեցման հարցը չի քննարկվում հայ-ադրբեջանական հարաբերությունների կարգավորման գործընթացի շրջանակում։ Այս մասին Factor.am-ի՝ ՀՀ վարչապետին ուղղված գրավոր հարցմանն ի պատասխան՝ հայտնում են ԱԳ նախարարությունից։
Նոյեմբերի 4-ին ՀՀ ԱԳ նախկին նախարար Վարդան Օսկանյանը ֆեյսբուքյան իր էջում տեսանյութ էր հրապարակել և հայտարարել, որ Փաշինյանը համաձայնություն է տվել ադրբեջանցիների՝ Հայաստան վերադառնալուն։
«Փաշինյանն ու իր իշխանությունն արդեն մեկ տարուց ավելի է, ինչ քննարկում են ադրբեջանցիների՝ Հայաստան գալու հարցն ու համաձայնություն են տվել»,- ասել էր Օսկանյանը:
Factor.am-ը նաև հարցեր է ուղղել Նիկոլ Փաշինյանին, թե ընդհանրապես ի՞նչ կարծիք ունի ադրբեջանցիների ենթադրյալ վերադարձի մասին։ Ո՛չ ՀՀ Կառավարությունը, ո՛չ ԱԳՆ-ն այս հարցին չեն անդրադարձել։
Նարեկ Կիրակոսյան
