15.09.2026 | 12:01
Թող քրեական գործ սկսվի․ դուք դատվելու եք սուտ մատնության համար․ ՔՊ-ականը՝ Մխիթարյանին․ ՏԵՍԱՆՅՈՒԹ
ԼՂ-ը լքած մարդիկ իրավունք ունեն տուն վերադառնալ․ԱՄՆ Պետդեպի խոսնակ
Քաղաքականություն
15.11.2023 | 11:09
ԱՄՆ Պետքարտուղարության մամուլի խոսնակ Մեթյու Միլլերը ճեպազրույցում հայտարարել է, որ Լեռնային Ղարաբաղից բռնի տեղահանված հայ բնակչությունը տուն վերադարձի իրավունք ունի։
Ադրբեջանական «Թուրան» գործակալության լրագրողը հետաքրքրվել է, թե Ներկայացուցիչների պալատի լսումներում ԼՂ-ի ապագայի վերաբերյալ ինչ են ասելու, եթե հաշվի առնենք այն, որ «մի կողմից կա Ադրբեջանը, որը տոնում է հաղթանակը ռուսական բանակով շրջապատված քաղաքում (Ստեփանակերտ – խմբ․), մյուս կողմից Հայաստանն է, որին ՌԴ-ն ամեն օր ծաղրում է, հայտարարելով թե, ոչ մի տեղ չի կարող փախչել և ՌԴ-ն ոչ մի տեղ չի պատրաստվում հեռանալ։
«Ես ուղղակի կասեմ այն, ինչ նախկինում եմ ասել։ Ես չեմ ուզում խոսել վաղը կայանալիք հանդիպման մասին, բայց կասեմ, որ մենք շարունակում ենք հավատալ, որ Լեռնային Ղարաբաղից հեռացած մարդիկ իրավունք ունեն վերադառնալ տուն, եթե ցանկանում են դա անել, և դա իրավունք է, որը պետք է պահպանվի»,-ասել է Պետքարտուղարության խոսնակը։
Էմմա Չոբանյան
