Միլիցուց ո՞վ ա լավ բան տեսե. Սեյրան Սարոյանը՝ «Սասնա ծռերի» նկատմամբ գործադրվող բռնությունների մասին

Ազգային ժողովի ՀՀԿ խմբակցության պատգամավոր, գեներալ Սեյրան Սարոյանը չի լսել, որ Ավան և Նորք Նորք վարչական շրջանների ընդհանուր իրավասության դատարանի նկուղում ոստիկանության աշխատակիցները ծեծի են ենթարկել «Սասնա ծռեր» խմբի անդամներին: Այս մասին Սարոյանը հայտարարեց խորհրդարանում լրագրողների հետ զրույցում:

«Մարդ են կարող ա տփեն էլ իրար, ոստիկաններն ինչի՞ հըմար են, դրանք հո կրթության նախարարությունից չե՞ն: Միլիցուց ո՞վ ա լավ բան տեսե»,- նշեց Սարոյանը՝ պնդելով, որ չի հետևում «Սասնա ծռերի» դատավարությունների ընթացքին:

Factor.am-ի հարցին՝ Սերժ Սարգսյանը անարդարության դեմ պատերազմ է հայտարարել ովքե՞ր են Հայաստանում անարդարություն սերմանում, պատգամավորն ասաց. «Դուք, բա ո՞վ: Չեղած տեղից բաներ կմոգոնեք, կխոսաք՝ էլ գող կատու, էլ քաչալ շուն, սկսում եք տուր ու դմփոց, կռիվ, մուտիլովկա: Ես շատ գիտեմ ախչի ջան, ես ո՞նց կարամ ասեմ՝ ով ա անարդար, ով արդար: Դրա համար կան հատուկ պետական կառույցներ, որոնք կպարզեն, թե ով ա անարդար, հերը կանիծեն»:

Մեր դիտարկմանը, թե 10 տարի փաստորեն Սերժ Սարգսյանին չի հաջողվել անարդարության դեմ պայքարել, Սարոյանն ասաց՝ «Սերժ Սարգսյանը կախարդական փայտիկ չունի»:

«Մենք ջահել պետություն ենք, էդ Սերժ Սարգսյանը 10 տարվա մեջ ի՞նչ պտի աներ, կախարդական փայտիկ ունե՞ր, ի՞նչ ուներ էդ խեղճ մարդը: Հետո մեր մենթալիտետից ա գալիս, սաղս մեկը մյուսի վրա շառ ենք անում»:

Մանրամասները՝ տեսանյութում:

Շողիկ Գալստյան