06.12.2025 | 19:00
Մեզնից շատերը լավ ապրելը քեֆերի մեջ են տեսնում, երբ շուրջը ատելություն և թշնամանք է. Սամվել Թոփալյան. ՏԵՍԱՆՅՈՒԹ
Պետք է ուժեղացնենք համատեղ եվրոպական ջանքերը․ Գերմանիայի ԱԳ նախարարը՝ Հայաստան-Ադրբեջան զարգացումների մասին
Քաղաքականություն
13.11.2023 | 18:02
Գերմանիայի ԱԳ նախարար Անալենա Բերբոքը Բրյուսելում ԵՄ անդամ երկրների արտգործնախարարների հանդիպման մեկնարկից առաջ անդրադարձել է նաև Հայաստան-Ադրբեջան հարաբերություններին։
«Մենք պետք է ուժեղացնենք հետագա համատեղ եվրոպական ջանքերը՝ աջակցելու խաղաղության գործընթացին։ Եվրոպական հարթակը պաշտպանում է իրական անվտանգությունը, իրական վստահությունը և իրական խաղաղությունը տարածաշրջանում»,- ասել է Բերբոքը լրագրողների հետ զրույցում։
Հավելենք, որ ԵՄ երկրների ԱԳ նախարարները Բրյուսելում խորհրդի նիստում քննարկում են նաև ԼՂ շուրջ ստեղծված իրավիճակն ու Հայաստան-Ադրբեջան խաղաղության բանակցությունները։
ԵՄ բարձրաստիճան ներկայացուցիչը լրատվամիջոցներին ավելի վաղ հայտնել էր, որ Եվրամիությունը կարող է ընդլայնել իր դիտորդական առաքելությունը Հայաստանում՝ ի պատասխան «հանրապետության ինքնիշխանությանն ու տարածքային ամբողջականությանն ուղղված Ադրբեջանի կողմից սպառնալիքներին»։ Բացի այդ, ԵՄ ներկայացուցչի խոսքով, միությունը քննարկում է, թե ինչպես աջակցել Հայաստանին իր դիմակայունության ամրապնդման հարցում, այդ թվում՝ անվտանգության ոլորտում։
Էմմա Չոբանյան
