15.01.2026 | 14:43
Սոցիալական բնակարանային ֆոնդի զարգացումն ու արդիականացումը նախարարության առաջնահերթություններից է․ Արսեն Թորոսյան
ՀՀ ՊՆ-ն՝ ֆրանսիական զենքեր ստանալու տեղեկության մասին
13.11.2023 | 15:09
Ֆրանսիայի կողմից Հայաստան ռազմական տեխնիկայի ուղարկման մասին տեղեկություններ ու լուսանկարներ են տարածվում տելեգրամյան ալիքներում։ Նշվում է, որ Ֆրանսիան մեծ քանակությամբ «Բաստիոն» բազմաֆունկցիոնալ զրահամեքենաներ և դրանց համար նախատեսված սարքավորումներ է ուղարկել Հայաստան։
Factor.am-ը ՀՀ ՊՆ խոսնակին խնդրեց մեկնաբանել շրջանառվող տեղեկությունները։
«Հայաստանի և Ֆրանսիայի՝ պաշտպանության բնագավառում համագործակցության վերաբերյալ պաշտոնական հաղորդագրություններից և հայտարարություններից զատ՝ այս պահին որևէ լրացուցիչ տեղեկություն չենք կարող հայտնել»,- նշեց ՊՆ խոսնակ Արամ Թորոսյանը։
Հիշեցնենք՝ Երևանն ու Փարիզը պաշտպանական ոլորտում համագործակցության վերաբերյալ պայմանագիր են ստորագրել այս տարվա հոկտեմբերի 23-ին։
Նարեկ Կիրակոսյան
