15.09.2026 | 09:33
ՀՀ տարածքում ավտոճանապարհներն անցանելի են
Վթար Ալավերդի-Բագրատաշեն ավտոճանապարհին․ կա տուժած
11.11.2023 | 19:23
Նոյեմբերի 11-ին՝ ժամը 16։28-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ալավերդի-Բագրատաշեն ավտոճանապարհին տեղի է ունեցել ՃՏՊ, կա արգելափակված քաղաքացի․ անհրաժեշտ է փրկարարների օգնությունը։ Այս մասին տեղեկացնում են ՆԳՆ Փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ Ալավերդի-Բագրատաշեն ավտոճանապարհի 10-րդ կմ-ին «Ford» մակնիշի ավտոմեքենան (վարորդ՝ Վ․ Ա․, ծնված 1972 թ․) դուրս է եկել ավտոճանապահի երթևեկելի հատվածից, մոտ 5 մ գլորվել և կախվել ձորակից. վարորդն արգելափակվել է ավտոմեքենայում:
Փրկարարները հոսանքազրկել են ավտոմեքենան, փակել գազի բալոնի փականը, սահմանազատել տարածքը, վարորդին դուրս բերել արգելափակումից և պատգարակով մոտեցրել շտապօգնության ավտոմեքենային․ տուժածը հոսպիտալացվել է բժշկական կենտրոն։
