15.01.2026 | 21:54
Մինեապոլիսում ներգաղթի աշխատակիցը կրակել է վենեսուելացի ներգաղթյալի ոտքին
Արմավիր-Գյումրի ճանապարհին տեղի ունեցած վթարը երկու մարդու կյանք է խլել․ կա տուժած
09.11.2023 | 21:22
Նոյեմբերի 9-ին՝ ժամը 16։17-ին, Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Իսահակյան գյուղի մոտակայքում տեղի է ունեցել ՃՏՊ. կա արգելափակված տուժած:
Ինչպես տեղեկացրին ՆԳՆ Փրկարար ծառայությունից՝ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Արմավիր-Գյումրի ավտոճանապարհի 85-րդ կմ-ին բախվել են «ZIL» (վարորդ՝ Ա. Մ., ծնված 1994 թ․) և «VAZ» (վարորդ՝ Ս. Մ., ծնված 1956 թ․) մակնիշների ավտոմեքենաները:
Մինչ փրկարարների կանչի վայր հասնելը՝ «ZIL» մակնիշի ավտոմեքենայի վարորդը հոսպիտալացվել է բժշկական կենտրոն:
Փրկարարները «VAZ» մակնիշի ավտոմեքենայից դուրս են բերել վարորդի և ուղևորի դիերը, հոսանքազրկել են ավտոմեքենաները և փակել գազի բալոնների փականները:
