06.10.2026 | 14:23
Ռաֆինյան երկարաձգել է «Բարսելոնայի» հետ պայմանագիրը. Աղբյուր
Առողջապահության նախարարության ծախսերը կավելանան 18 մլրդ դրամով․ քննարկվում է բյուջեի նախագիծը
Տնտեսություն
06.11.2023 | 11:06
Առողջապահության նախարարությունը հաջորդ տարի իր աշխատանքները կազմակերպելու համար բյուջեից կստանա 168 միլիարդ դրամ պետական հատկացումներ՝ 18 միլիարդով ավելի, քան ընթացիկ տարում։ Այս մասին տեղեկանում ենք ՀՀ 2024 թվականի բյուջեի նախագծից։ Առողջապահության նախարարության բյուջետային հատկացումները այսօր քննարկվում են ԱԺ հանձնաժողովների համատեղ նիստում նախարար Անահիտ Ավանեսյանի մասնակցությամբ։
Ընթացիկ 2023 թվականի համար առողջապահության նախարարությանը հատկացվել է 140 միլիարդ դրամ, որը բաշխվել է նախարարության 127 ծրագրերի միջև։ Գրաֆիկում ներկայացված են բոլոր այդ ծրագրերը։ Որոշ ծրագրեր ունեն առանձին մի քանի հոդվածներ, որոնք կարելի է դիտարկել ինֆոգրաֆիկայում առանձին ծրագրերի վրա մկնիկով սեղմելով։
Առողջապահության նախարարության պահպանման համար նախատեսվում է հատկացնել նախարարությանը հատկացվող գումարի 0,7 տոկոսը (մնացածն ուղղվում է ծրագրերին, առողջապահական հաստատություններին և այլն)։ Նախարարության պահպանման ծախսերի մեծ մասն էլ հատկացվելու է աշխատավարձերին, հավելավճարներին, պարգևատրումներին և այլն։
Ինչ վերաբերում է հաջորդ տարվա բյուջեին, ապա խորհրդարանի փորձագիտական խումբը հաշվարկել է, որ 2024 թվականին բյուջետային ընդհանուր ծախսերի մեջ առողջապահության ոլորտի ծախսերը կկազմեն 5,7 տոկոս, որն ամենացածր ցուցանիշն է վերջին 4 տարվա համեմատությամբ։ Վերջին 4 տարում ամենաբարձր ցուցանիշը եղել է 2021 թվականին՝ 8 տոկոս (ՀՆԱ-ի 2,3 տոկոսը)։
Գարիկ Հարությունյան
