17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
ԽԾԲ՝ ոստիկանությունում․ Իոաննիսյանն ահազանգում է ատեստավորման գործընթացում խնդիրների մասին. ՏԵՍԱՆՅՈՒԹ
Քաղաքականություն
03.11.2023 | 20:22
Ոստիկանության վեց բարձրաստիճան պաշտոնյաներ կամավոր ատեստավորման շրջանակում երեկ հարցազրույցի փուլն են անցել. ոստիկանության բաժնի պետերից մեկի ատեստավորումը խնդրահարույց է եղել։ Այս մասին ֆեյսբուքյան գրառմամբ հայտնել էր «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը, որն ընդգրկված է եղել հանձնաժողովի կազմում։ Ըստ Իոաննիսյանի՝ պաշտոնյան, որի ատեստավորումը խնդրահարույց է եղել, ՆԳՆ բարձրաստիճան պաշտոնյայի ազգականն է։
Իոաննիսյանը հարց է բարձրացնում՝ ինչո՞ւ է այս միջադեպերից հետո Ոստիկանության տվյալ բաժնի պետը շարունակել մնալ համակարգում, իսկ այսօր էլ արդեն ատեստավորվում է։
Ե՛վ Ոստիկանության բարեփոխումները, և՛ Պարեկային ոստիկանության լավարկումը շարունակական են լինելու՝ հայտարարել էր վարչապետ Փաշինյանը անցած շաբաթ Կապանում Ոստիկանության Պարեկային ծառայության Սյունիքի մարզի ստորաբաժանման գործարկմանը նվիրված միջոցառման ժամանակ։
Factor TV-ն մայրաքաղաքում անցկացված հարցմամբ փորձել է պարզել՝ արդյո՞ք քաղաքացիները գոհ են Ոստիկանության աշխատանքից, և ինչ խնդիրներ են տեսնում համակարգում։
Իոաննիսյանն էլ նշում է՝ պարեկային ծառայության ստեղծումը չորս մարզերում արդյունավետ գործընթաց է, բայց նման ծառայության ստեղծումն արդեն որոշ խնդիրներով է ուղեկցվում։
Չնայած Պարեկային ծառայության ներդրմանն ու ընդլայմանը, ըստ Իոաննիսյանի, համակարգում շարունակում են չարաշահման և ղեկավարությունում կապեր ունեցող վատ կադրերի խրախուսման դեպքերը։
Մանրամասները՝ տեսանյութում։
Անի Թամրազյան
