02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
Ադրբեջանի կողմից Հայաստան ներխուժման վտանգ կա. Լեմկինի ինստիտուտ
Քաղաքականություն
01.11.2023 | 12:28
Լեմկինի Ցեղասպանության կանխարգելման ինստիտուտը կարմիր`ամենաբարձր նախազգուշացումն է հայտարարել Ադրբեջանի համար, քանի որ այդ երկրի կողմից առաջիկա օրերին կամ շաբաթներին Հայաստան ներխուժման անհանգստացնող հավանականություն է տեսնում:
«Ադրբեջանը վաղուց է տենչում Հայաստանի հարավային Սյունիքի մարզը, որը ոչ վաղ անցյալում քննարկվում էր որպես դեպի Նախիջևան տանող և Ադրբեջանի կողմից վերահսկվող «Զանգեզուրի միջանցք»-ի անցման վայր: Հաշվի առնելով տարածաշրջանում տեղի ունեցող վերջին քաղաքական զարգացումները, այդ թվում՝ 2023 թվականի սեպտեմբերի 19-ին ադրբեջանական ներխուժումն Արցախ և դրան հաջորդած տարածքի բռնագրավումը, ինչպես նաև Թուրքիայում և Ադրբեջանում էնդեմիկ ցեղասպանական հայատյացությունը, ադրբեջանական ներխուժումը կարող է վերածվել ցեղասպանության:
Աշխարհին հիշեցնում ենք, որ ցեղասպանությունը միայն զանգվածային սպանությունների միջոցով չի արտահայտվում։ Ինչպես եղավ 2023 թվականի սեպտեմբերին Արցախի/Լեռնային Ղարաբաղի վերջին բռնազավթման ժամանակ, ցեղասպանությունը կարող է արտահայտվել նաև կոտորածի, վայրագության և բնիկ տարածքներից բռնի տեղահանման միջոցով, երբ այդ գործողությունների հիմքում ընկած գաղափարախոսությունն ուղղված է ինքնության ամբողջությամբ կամ մասամբ ոչնչացմանը»,-ասված է ինստիտուտի հայտարարության մեջ։ Նշվում է, որ թեև Ադրբեջանի պաշտոնյաները վերջերս չեն խոսում Սյունիքով միջանցք ստանալու ծրագրից, այնուամենայնիվ, անհանգստանալու մի քանի պատճառ կա:
«Արցախի հայկական տարածքի դեմ Ադրբեջանի ագրեսիվ պատերազմից հետո, որը հանգեցրեց հայ խաղաղ բնակիչների դաժան սպանություններին և գրեթե ողջ հայ բնակչության բռնի տեղահանմանը, Ադրբեջանը հրապարակայնորեն իր հայացքն ուղղեց Հայաստանի ամենահարավային Սյունիքի մարզին, որը նա համարում է իր սեփական տարածքը՝ այն անվանելով «Արևմտյան Ադրբեջան»։
Հոկտեմբերի 6-ին ԵՄ-ում Հայաստանի դեսպանի թեկնածու Տիգրան Բալայանը զգուշացրել էր, որ Հայաստանում կարծում են, որ ադրբեջանական ներխուժում կարող է տեղի ունենալ «շաբաթների ընթացքում»: ԱՄՆ պետքարտուղար Էնթոնի Բլինքենը ևս հոկտեմբերի 5-ին մի խումբ ամերիկացի օրենսդիրների նմանատիպ սպառնալիքների մասին էր նախազգուշացրել»,- ասված է Լեմկինի Ցեղասպանության կանխարգելման ինստիտուտի հայտարարության մեջ։
