25.08.2026 | 17:47
Հայ մրցավարը կսպասարկի ֆուտզալի Չեմպիոնների լիգայի խաղեր
Լեմկինի ինստիտուտը կոչ է արել ՄԱԿ-ին պատշաճ առաքելություն ուղարկել Արցախ
Քաղաքականություն
29.10.2023 | 13:51
Լեմկինի Ցեղասպանության կանխարգելման ինստիտուտը hիասթափված է հոկտեմբերի 1-ին Արցախ (Լեռնային Ղարաբաղ) ՄԱԿ-ի առաքելության այցի արդյունքներից, որը տեղի ունեցավ այն ժամանակ, երբ Արցախի ամբողջ հայ բնակչությունն արդեն փախել էր ադրբեջանական վերջին ներխուժումից հետո բռնի տեղահանման պատճառով։ Այս մասին Լեմկինի Ցեղասպանության կանխարգելման ինստիտուտը հայտարարել է X սոցկայքի պաշտոնական էջում:
«Մենք կոչ ենք անում ՄԱԿ-ին պատրաստել պատշաճ առաքելություն դեպի Արցախի Հանրապետություն, որը կներառի հակամարտությանը չեզոք երկրների միջազգային թիմի անդամներին՝ տեղում ներկա իրավիճակի մանրակրկիտ վերլուծություն իրականացնելու համար: Արցախում հայերի իրավունքները ապահովելու համար ՄԱԿ-ը պետք է գործի պրոֆեսիոնալ, անկողմնակալ և ՄԱԿ-ի կանոնադրության մեջ ներկայացված արժեքներին նվիրվածությամբ»,- նշվում է հայտարարությունում։
Հայտարարությունն ամբողջությամբ՝ այստեղ։
