23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Ոսկու նոր հանքավայրի հետքերով․ Բերդում «Վալեքս Գրուպ»-ին «սվիններով» ընդունեցին․ ՏԵՍԱՆՅՈՒԹ
Տնտեսություն
27.10.2023 | 18:32
Արցախում կորցնելով Կաշենի ու Դրմբոնի ոսկու և պղնձի հանքավայրերը, իսկ ավելի վաղ Հայաստանում զրկվելով Թեղուտից՝ «Վալեքս Գրուպ» ՓԲ ընկերությունը փորձում է նոր հանքավայր գտնել։ Այս պահին նրանց ուշադրությունը գրավել է Տավուշի մարզում Մուրղուզի լեռնաշղթան։ Ընկերությունը հայտ է ներկայացրել այդտեղ Տավուշ-Խնձորուտ հանքային դաշտում երկրաբանական ուսումնասիրություն իրականացնելու համար։
Հարակից Բերդ խոշորացված համայնքի ներկայացուցիչների և «Վալեքս Գրուպի» անդամ «Լեռնամետալուրգիայի ինստիտուտի» ղեկավարության հետ հոկտեմբերի 26-ին բավականին թեժ մթնոլորտում ընթացան առաջին հանրային լսումները։ Բնակիչները միաձայն դեմ արտահայտվեցին հանքարդյունահանողի նախաձեռնությանը։
Տավուշցիներն ասում են՝ ավելի լավ է մի քիչ աղքատ լինել, քան աղտոտել բնությունն ու վտանգել սեփական առողջությունը։
Թե ինչպես կծավալվեն իրադարձությունները, հայտնի կդառնա նոյեմբերի 21-ին․ այդ օրը նշանակված է Բերդի ավագանու նիստը, որտեղ պետք է որոշում կայացվի։ Բացասական եզրակացության դեպքում ընկերությունն այս ուղղությամբ այլևս չի կարողանա քայլեր ձեռնարկել։
Սակայն, ըստ ամենայնի, «Վալեքս Գրուպն» այդքանով չի սահմանափակվի և կփորձի հանքավայրի շահագործմանը հասնելու այլ տարբերակներ գտնել։
Մանրամասները՝ տեսանյութում։
Գայանե Խաչատրյան
