21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Նիկոլ Փաշինյանը Ադրբեջանի վարչապետի հետ ոչ պաշտոնական շփում է ունեցել․ ՏԵՍԱՆՅՈՒԹ
Քաղաքականություն
27.10.2023 | 12:21
Թբիլիսիում երեկ պաշտոնական ճաշից հետո եղել է ոչ պաշտոնական շփում Վրաստանի, Հայաստանի և Ադրբեջանի վարչապետերի միջև։ Այս մասին Factor.am-ին փոխանցեցին կառավարությունից։
Ավելի վաղ հանդիպման մասին հայտնել էին նաև վրացական լրատվամիջոցները։
«Երեկ եռակողմ հանդիպումներ ունեցանք։ Վրաստանը, որպես անաչառ միջնորդ, Հայաստանի և Ադրբեջանի բարեկամ, շահագրգռված է տարածաշրջանում խաղաղության հաստատմամբ,- այս մասին հայտարարել է Վրաստանի վարչապետ Իրակլի Ղարիբաշվիլին Թբիլիսիում Հեյդար Ալիևի անվան պետական դրամատիկական թատրոնի շինարարության մեկնարկի արարողությունը, որին ներկա է եղել նաև Ադրբեջանի վարչապետ Ալի Ասադովը։
Իրակլի Ղարիբաշվիլին շնորհակալություն է հայտնել Ադրբեջանի վարչապետին՝ «Թբիլիսիի մետաքսի ճանապարհ» ֆորումին մասնակցելու համար։
«Մենք դա շատ ենք գնահատում։ Մենք գնահատում ենք նաև այն փաստը, որ երեկ միասին կարևոր հանդիպումներ ենք անցկացրել։ Եղել է նաև եռակողմ հանդիպում և զրույց։ Վրաստանը, որպես անկողմնակալ, չեզոք, օբյեկտիվ միջնորդ և երկու երկրների՝ Հայաստանի և Ադրբեջանի բարեկամ, շահագրգռված է տարածաշրջանում երկարաժամկետ խաղաղության և կայունության հաստատմամբ, և՛ Վրաստանը, և՛ ես որպես կառավարության ղեկավար, պատրաստ ենք մասնակցել այս գործընթացին»,- ասել է Ղարիբաշվիլին։
