11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Խոշորագույն հարկատուների տասնյակը չի փոխվել․ որ բիզնեսներն են առաջատարը
Տնտեսություն
26.10.2023 | 13:05
Հայաստանի ամենախոշոր 1000 հարկատուները միասին այս տարվա հունվարից մինչև սեպտեմբերը ներառյալ պետբյուջե են վճարել 1 տրիլիոն 267 միլիարդ դրամ, որն այսօրվա փոխարժեքով հավասար է 3 միլիարդ 150 միլիոն դոլարի։ Այս մասին հայտնի է դառնում ՊԵԿ տվյալների վերլուծությունից։
Կառույցը հրապարակել է խոշորագույն հարկատուների ցուցակը՝ այդ ընկերությունների վճարած հարկերի մասին տեղեկություններով։ Ինչպես երևում է գրաֆիկից՝ ամենամեծ հարկատուն «Զանգեզուրի պղնձամոլիբդենային կոմբինատ»-ն է 52,4 մլրդ դրամ վճարած հարկերով։ Երկրորդ տեղում է «Գազպրոմ Արմենիա»-ն 39,5 մլրդ դրամ հարկերով, երրորդ տեղում «Գրանդ Տոբակո»-ն է 31 մլր դրամ հարկերով։
Ամենաշատ պետական եկամուտերը գեներացվում են ԱԱՀ-ից կամ ավելացված արժեքի հարկից՝ 528 մլրդ դրամ։ Հաջորդ երկուսը՝ շահութահարկն ու եկամտահարկը, ունեն գրեթե նույն ցուցանիշները՝ համապատասխանաբար 222 և 219 մլրդ դրամ։ Ակցիզային հարկը սրանց թվում ամենափոքր եկամուտ ապահովողն է՝ ընդամենը 88 մլրդ դրամ։
Գրաֆիկում կարող եք ընտրել կոնկրետ ընկերությունները (այժմ ցուցադրված են բոլորը), որպեսզի տեսնեք յուրաքանչյուր ընկերության հարկերի բաշխումը՝ ըստ հարկատեսակների։
